62.1MBH-4-62-1
वैशंपायन उवाच । ततो विजित्य संग्रामे कुरून्गोवृषभेक्षणः । समानयामास तदा विराटस्य धनं महत् ॥
vaiśaṁpāyana uvāca । tato vijitya saṁgrāme kurūn govr̥ṣabhekṣaṇaḥ । samānayām āsa tadā virāṭasya dhanaṁ mahat ॥
Virāṭa Parva · Adhyaya 4.62
Adhyāya 62
अध्यायः 62
Who speaks here वैशंपायन vaiśaṃpāyana · अर्जुन arjuna
English for this adhyāya (section level, not verse by verse): Ganguli’s translation, approximately §65–67 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
62.2MBH-4-62-2
गतेषु च प्रभग्नेषु धार्तराष्ट्रेषु सर्वशः । वनान्निष्क्रम्य गहनाद्बहवः कुरुसैनिकाः ॥
gateṣu ca prabhagneṣu dhārtarāṣṭreṣu sarvaśaḥ । vanān niṣkramya gahanād bahavaḥ kurusainikāḥ ॥
62.3MBH-4-62-3
भयात्संत्रस्तमनसः समाजग्मुस्ततस्ततः । मुक्तकेशा व्यदृश्यन्त स्थिताः प्राञ्जलयस्तदा ॥
bhayāt saṁtrastamanasaḥ samājagmus tatas tataḥ । muktakeśā vyadr̥śyanta sthitāḥ prāñjalayas tadā ॥
62.4MBH-4-62-4
क्षुत्पिपासापरिश्रान्ता विदेशस्था विचेतसः । ऊचुः प्रणम्य संभ्रान्ताः पार्थ किं करवाम ते ॥
kṣutpipāsāpariśrāntā videśasthā vicetasaḥ । ūcuḥ praṇamya saṁbhrāntāḥ pārtha kiṁ karavāma te ॥
62.5MBH-4-62-5
अर्जुन उवाच । स्वस्ति व्रजत भद्रं वो न भेतव्यं कथंचन । नाहमार्ताञ्जिघांसामि भृशमाश्वासयामि वः ॥
arjuna uvāca । svasti vrajata bhadraṁ vo na bhetavyaṁ kathaṁ cana । nāham ārtāñ jighāṁsāmi bhr̥śam āśvāsayāmi vaḥ ॥
62.6MBH-4-62-6
वैशंपायन उवाच । तस्य तामभयां वाचं श्रुत्वा योधाः समागताः । आयुःकीर्तियशोदाभिस्तमाशिर्भिरनन्दयन् ॥
vaiśaṁpāyana uvāca । tasya tām abhayāṁ vācaṁ śrutvā yodhāḥ samāgatāḥ । āyuḥkīrtiyaśodābhis tam āśirbhir anandayan ॥
62.7MBH-4-62-7
ततो निवृत्ताः कुरवः प्रभग्ना वशमास्थिताः । पन्थानमुपसंगम्य फल्गुनो वाक्यमब्रवीत् ॥
tato nivr̥ttāḥ kuravaḥ prabhagnā vaśam āsthitāḥ । panthānam upasaṁgamya phalguno vākyam abravīt ॥
62.8MBH-4-62-8
राजपुत्र प्रत्यवेक्ष समानीतानि सर्वशः । गोकुलानि महाबाहो वीर गोपालकैः सह ॥
rājaputra pratyavekṣa samānītāni sarvaśaḥ । gokulāni mahābāho vīra gopālakaiḥ saha ॥
62.9MBH-4-62-9
ततोऽपराह्णे यास्यामो विराटनगरं प्रति । आश्वास्य पाययित्वा च परिप्लाव्य च वाजिनः ॥
tato ’parāhṇe yāsyāmo virāṭanagaraṁ prati । āśvāsya pāyayitvā ca pariplāvya ca vājinaḥ ॥
62.10MBH-4-62-10
गच्छन्तु त्वरिताश्चैव गोपालाः प्रेषितास्त्वया । नगरे प्रियमाख्यातुं घोषयन्तु च ते जयम् ॥
gacchantu tvaritāś caiva gopālāḥ preṣitās tvayā । nagare priyam ākhyātuṁ ghoṣayantu ca te jayam ॥
62.11MBH-4-62-11
वैशंपायन उवाच । उत्तरस्त्वरमाणोऽथ दूतानाज्ञापयत्ततः । वचनादर्जुनस्यैव आचक्षध्वं जयं मम ॥
vaiśaṁpāyana uvāca । uttaras tvaramāṇo ’tha dūtān ājñāpayat tataḥ । vacanād arjunasyaiva ācakṣadhvaṁ jayaṁ mama ॥