79.1MBH-5-79-1
सहदेव उवाच । यदेतत्कथितं राज्ञा धर्म एष सनातनः । यथा तु युद्धमेव स्यात्तथा कार्यमरिंदम ॥
sahadeva uvāca । yad etat kathitaṁ rājñā dharma eṣa sanātanaḥ । yathā tu yuddham eva syāt tathā kāryam ariṁdama ॥
Udyoga Parva · Adhyaya 5.79
Adhyāya 79
अध्यायः 79
Who speaks here सहदेव sahadeva · वैशंपायन vaiśaṃpāyana
English for this adhyāya (section level, not verse by verse): Ganguli’s translation, approximately §80–82 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
79.2MBH-5-79-2
यदि प्रशममिच्छेयुः कुरवः पाण्डवैः सह । तथापि युद्धं दाशार्ह योजयेथाः सहैव तैः ॥
yadi praśamam iccheyuḥ kuravaḥ pāṇḍavaiḥ saha । tathāpi yuddhaṁ dāśārha yojayethāḥ sahaiva taiḥ ॥
79.3MBH-5-79-3
कथं नु दृष्ट्वा पाञ्चालीं तथा क्लिष्टां सभागताम् । अवधेन प्रशाम्येत मम मन्युः सुयोधने ॥
kathaṁ nu dr̥ṣṭvā pāñcālīṁ tathā kliṣṭāṁ sabhāgatām । avadhena praśāmyeta mama manyuḥ suyodhane ॥
79.4MBH-5-79-4
यदि भीमार्जुनौ कृष्ण धर्मराजश्च धार्मिकः । धर्ममुत्सृज्य तेनाहं योद्धुमिच्छामि संयुगे ॥
yadi bhīmārjunau kr̥ṣṇa dharmarājaś ca dhārmikaḥ । dharmam utsr̥jya tenāhaṁ yoddhum icchāmi saṁyuge ॥
79.5MBH-5-79-5
सात्यकिरुवाच । सत्यमाह महाबाहो सहदेवो महामतिः । दुर्योधनवधे शान्तिस्तस्य कोपस्य मे भवेत् ॥
sātyakir uvāca । satyam āha mahābāho sahadevo mahāmatiḥ । duryodhanavadhe śāntis tasya kopasya me bhavet ॥
79.6MBH-5-79-6
जानासि हि यथा दृष्ट्वा चीराजिनधरान्वने । तवापि मन्युरुद्भूतो दुःखितान्प्रेक्ष्य पाण्डवान् ॥
jānāsi hi yathā dr̥ṣṭvā cīrājinadharān vane । tavāpi manyur udbhūto duḥkhitān prekṣya pāṇḍavān ॥
79.7MBH-5-79-7
तस्मान्माद्रीसुतः शूरो यदाह पुरुषर्षभः । वचनं सर्वयोधानां तन्मतं पुरुषोत्तम ॥
tasmān mādrīsutaḥ śūro yad āha puruṣarṣabhaḥ । vacanaṁ sarvayodhānāṁ tan mataṁ puruṣottama ॥
79.8MBH-5-79-8
वैशंपायन उवाच । एवं वदति वाक्यं तु युयुधाने महामतौ । सुभीमः सिंहनादोऽभूद्योधानां तत्र सर्वशः ॥
vaiśaṁpāyana uvāca । evaṁ vadati vākyaṁ tu yuyudhāne mahāmatau । subhīmaḥ siṁhanādo ’bhūd yodhānāṁ tatra sarvaśaḥ ॥
79.9MBH-5-79-9
सर्वे हि सर्वतो वीरास्तद्वचः प्रत्यपूजयन् । साधु साध्विति शैनेयं हर्षयन्तो युयुत्सवः ॥
sarve hi sarvato vīrās tad vacaḥ pratyapūjayan । sādhu sādhv iti śaineyaṁ harṣayanto yuyutsavaḥ ॥