143.1MBH-5-143-1
कर्ण उवाच । राधेयोऽहमाधिरथिः कर्णस्त्वामभिवादये । प्राप्ता किमर्थं भवती ब्रूहि किं करवाणि ते ॥
karṇa uvāca । rādheyo ’ham ādhirathiḥ karṇas tvām abhivādaye । prāptā kimarthaṁ bhavatī brūhi kiṁ karavāṇi te ॥
Udyoga Parva · Adhyaya 5.143
Adhyāya 143
अध्यायः 143
Who speaks here कर्ण karṇa
English for this adhyāya (section level, not verse by verse): Ganguli’s translation, approximately §144–146 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
143.2MBH-5-143-2
कुन्त्युवाच । कौन्तेयस्त्वं न राधेयो न तवाधिरथः पिता । नासि सूतकुले जातः कर्ण तद्विद्धि मे वचः ॥
kunty uvāca । kaunteyas tvaṁ na rādheyo na tavādhirathaḥ pitā । nāsi sūtakule jātaḥ karṇa tad viddhi me vacaḥ ॥
143.3MBH-5-143-3
कानीनस्त्वं मया जातः पूर्वजः कुक्षिणा धृतः । कुन्तिभोजस्य भवने पार्थस्त्वमसि पुत्रक ॥
kānīnas tvaṁ mayā jātaḥ pūrvajaḥ kukṣiṇā dhr̥taḥ । kuntibhojasya bhavane pārthas tvam asi putraka ॥
143.4MBH-5-143-4
प्रकाशकर्मा तपनो योऽयं देवो विरोचनः । अजीजनत्त्वां मय्येष कर्ण शस्त्रभृतां वरम् ॥
prakāśakarmā tapano yo ’yaṁ devo virocanaḥ । ajījanat tvāṁ mayy eṣa karṇa śastrabhr̥tāṁ varam ॥
143.5MBH-5-143-5
कुण्डली बद्धकवचो देवगर्भः श्रिया वृतः । जातस्त्वमसि दुर्धर्ष मया पुत्र पितुर्गृहे ॥
kuṇḍalī baddhakavaco devagarbhaḥ śriyā vr̥taḥ । jātas tvam asi durdharṣa mayā putra pitur gr̥he ॥
143.6MBH-5-143-6
स त्वं भ्रातॄनसंबुद्ध्वा मोहाद्यदुपसेवसे । धार्तराष्ट्रान्न तद्युक्तं त्वयि पुत्र विशेषतः ॥
sa tvaṁ bhrātr̥̄n asaṁbuddhvā mohād yad upasevase । dhārtarāṣṭrān na tad yuktaṁ tvayi putra viśeṣataḥ ॥
143.7MBH-5-143-7
एतद्धर्मफलं पुत्र नराणां धर्मनिश्चये । यत्तुष्यन्त्यस्य पितरो माता चाप्येकदर्शिनी ॥
etad dharmaphalaṁ putra narāṇāṁ dharmaniścaye । yat tuṣyanty asya pitaro mātā cāpy ekadarśinī ॥
143.8MBH-5-143-8
अर्जुनेनार्जितां पूर्वं हृतां लोभादसाधुभिः । आच्छिद्य धार्तराष्ट्रेभ्यो भुङ्क्ष्व यौधिष्ठिरीं श्रियम् ॥
arjunenārjitāṁ pūrvaṁ hr̥tāṁ lobhād asādhubhiḥ । ācchidya dhārtarāṣṭrebhyo bhuṅkṣva yaudhiṣṭhirīṁ śriyam ॥
143.9MBH-5-143-9
अद्य पश्यन्तु कुरवः कर्णार्जुनसमागमम् । सौभ्रात्रेण तदालक्ष्य संनमन्तामसाधवः ॥
adya paśyantu kuravaḥ karṇārjunasamāgamam । saubhrātreṇa tad ālakṣya saṁnamantām asādhavaḥ ॥
143.10MBH-5-143-10
कर्णार्जुनौ वै भवतां यथा रामजनार्दनौ । असाध्यं किं नु लोके स्याद्युवयोः सहितात्मनोः ॥
karṇārjunau vai bhavatāṁ yathā rāmajanārdanau । asādhyaṁ kiṁ nu loke syād yuvayoḥ sahitātmanoḥ ॥
143.11MBH-5-143-11
कर्ण शोभिष्यसे नूनं पञ्चभिर्भ्रातृभिर्वृतः । वेदैः परिवृतो ब्रह्मा यथा वेदाङ्गपञ्चमैः ॥
karṇa śobhiṣyase nūnaṁ pañcabhir bhrātr̥bhir vr̥taḥ । vedaiḥ parivr̥to brahmā yathā vedāṅgapañcamaiḥ ॥
143.12MBH-5-143-12
उपपन्नो गुणैः श्रेष्ठो ज्येष्ठः श्रेष्ठेषु बन्धुषु । सूतपुत्रेति मा शब्दः पार्थस्त्वमसि वीर्यवान् ॥
upapanno guṇaiḥ śreṣṭho jyeṣṭhaḥ śreṣṭheṣu bandhuṣu । sūtaputreti mā śabdaḥ pārthas tvam asi vīryavān ॥