351.1MBH-12-351-1
सूर्य उवाच । नैष देवोऽनिलसखो नासुरो न च पन्नगः । उञ्छवृत्तिव्रते सिद्धो मुनिरेष दिवं गतः ॥
sūrya uvāca । naiṣa devo ’nilasakho nāsuro na ca pannagaḥ । uñchavr̥ttivrate siddho munir eṣa divaṁ gataḥ ॥
Śānti Parva · Adhyaya 12.351
Adhyāya 351
अध्यायः 351
Who speaks here सूर्य sūrya · नाग nāga
English for this adhyāya (section level, not verse by verse): Ganguli’s translation, approximately §357–359 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
351.2MBH-12-351-2
एष मूलफलाहारः शीर्णपर्णाशनस्तथा । अब्भक्षो वायुभक्षश्च आसीद्विप्रः समाहितः ॥
eṣa mūlaphalāhāraḥ śīrṇaparṇāśanas tathā । abbhakṣo vāyubhakṣaś ca āsīd vipraḥ samāhitaḥ ॥
351.3MBH-12-351-3
ऋचश्चानेन विप्रेण संहितान्तरभिष्टुताः । स्वर्गद्वारकृतोद्योगो येनासौ त्रिदिवं गतः ॥
r̥caś cānena vipreṇa saṁhitāntarabhiṣṭutāḥ । svargadvārakr̥todyogo yenāsau tridivaṁ gataḥ ॥
351.4MBH-12-351-4
असन्नधीरनाकाङ्क्षी नित्यमुञ्छशिलाशनः । सर्वभूतहिते युक्त एष विप्रो भुजंगम ॥
asannadhīr anākāṅkṣī nityam uñchaśilāśanaḥ । sarvabhūtahite yukta eṣa vipro bhujaṁgama ॥
351.5MBH-12-351-5
न हि देवा न गन्धर्वा नासुरा न च पन्नगाः । प्रभवन्तीह भूतानां प्राप्तानां परमां गतिम् ॥
na hi devā na gandharvā nāsurā na ca pannagāḥ । prabhavantīha bhūtānāṁ prāptānāṁ paramāṁ gatim ॥
351.6MBH-12-351-6
नाग उवाच । एतदेवंविधं दृष्टमाश्चर्यं तत्र मे द्विज । संसिद्धो मानुषः कायो योऽसौ सिद्धगतिं गतः । सूर्येण सहितो ब्रह्मन्पृथिवीं परिवर्तते ॥
nāga uvāca । etad evaṁvidhaṁ dr̥ṣṭam āścaryaṁ tatra me dvija । saṁsiddho mānuṣaḥ kāyo yo ’sau siddhagatiṁ gataḥ । sūryeṇa sahito brahman pr̥thivīṁ parivartate ॥