22.1MBH-1-22-1
सूत उवाच । एवं स्तुतस्तदा कद्र्वा भगवान्हरिवाहनः । नीलजीमूतसंघातैर्व्योम सर्वं समावृणोत् ॥
sūta uvāca । evaṁ stutas tadā kadrvā bhagavān harivāhanaḥ । nīlajīmūtasaṁghātair vyoma sarvaṁ samāvr̥ṇot ॥
Ādi Parva · Adhyaya 1.22
Adhyāya 22
अध्यायः 22
Who speaks here सूत sūta
English for this adhyāya (section level, not verse by verse): Ganguli’s translation, approximately §24–26 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
22.2MBH-1-22-2
ते मेघा मुमुचुस्तोयं प्रभूतं विद्युदुज्ज्वलाः । परस्परमिवात्यर्थं गर्जन्तः सततं दिवि ॥
te meghā mumucus toyaṁ prabhūtaṁ vidyudujjvalāḥ । parasparam ivātyarthaṁ garjantaḥ satataṁ divi ॥
22.3MBH-1-22-3
संघातितमिवाकाशं जलदैः सुमहाद्भुतैः । सृजद्भिरतुलं तोयमजस्रं सुमहारवैः ॥
saṁghātitam ivākāśaṁ jaladaiḥ sumahādbhutaiḥ । sr̥jadbhir atulaṁ toyam ajasraṁ sumahāravaiḥ ॥
22.4MBH-1-22-4
संप्रनृत्तमिवाकाशं धारोर्मिभिरनेकशः । मेघस्तनितनिर्घोषमम्बरं समपद्यत ॥
saṁpranr̥ttam ivākāśaṁ dhārormibhir anekaśaḥ । meghastanitanirghoṣam ambaraṁ samapadyata ॥
22.5MBH-1-22-5
नागानामुत्तमो हर्षस्तदा वर्षति वासवे । आपूर्यत मही चापि सलिलेन समन्ततः ॥
nāgānām uttamo harṣas tadā varṣati vāsave । āpūryata mahī cāpi salilena samantataḥ ॥