33.1MBH-12-33-1
युधिष्ठिर उवाच । हताः पुत्राश्च पौत्राश्च भ्रातरः पितरस्तथा । श्वशुरा गुरवश्चैव मातुलाः सपितामहाः ॥
yudhiṣṭhira uvāca । hatāḥ putrāś ca pautrāś ca bhrātaraḥ pitaras tathā । śvaśurā guravaś caiva mātulāḥ sapitāmahāḥ ॥
Śānti Parva · Adhyaya 12.33
Adhyāya 33
अध्यायः 33
Who speaks here युधिष्ठिर yudhiṣṭhira
English for this adhyāya (section level, not verse by verse): Ganguli’s translation, approximately §32–34 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
33.2MBH-12-33-2
क्षत्रियाश्च महात्मानः संबन्धिसुहृदस्तथा । वयस्या ज्ञातयश्चैव भ्रातरश्च पितामह ॥
kṣatriyāś ca mahātmānaḥ saṁbandhisuhr̥das tathā । vayasyā jñātayaś caiva bhrātaraś ca pitāmaha ॥
33.3MBH-12-33-3
बहवश्च मनुष्येन्द्रा नानादेशसमागताः । घातिता राज्यलुब्धेन मयैकेन पितामह ॥
bahavaś ca manuṣyendrā nānādeśasamāgatāḥ । ghātitā rājyalubdhena mayaikena pitāmaha ॥
33.4MBH-12-33-4
तांस्तादृशानहं हत्वा धर्मनित्यान्महीक्षितः । असकृत्सोमपान्वीरान्किं प्राप्स्यामि तपोधन ॥
tāṁs tādr̥śān ahaṁ hatvā dharmanityān mahīkṣitaḥ । asakr̥t somapān vīrān kiṁ prāpsyāmi tapodhana ॥
33.5MBH-12-33-5
दह्याम्यनिशमद्याहं चिन्तयानः पुनः पुनः । हीनां पार्थिवसिंहैस्तैः श्रीमद्भिः पृथिवीमिमाम् ॥
dahyāmy aniśam adyāhaṁ cintayānaḥ punaḥ punaḥ । hīnāṁ pārthivasiṁhais taiḥ śrīmadbhiḥ pr̥thivīm imām ॥
33.6MBH-12-33-6
दृष्ट्वा ज्ञातिवधं घोरं हतांश्च शतशः परान् । कोटिशश्च नरानन्यान्परितप्ये पितामह ॥
dr̥ṣṭvā jñātivadhaṁ ghoraṁ hatāṁś ca śataśaḥ parān । koṭiśaś ca narān anyān paritapye pitāmaha ॥
33.7MBH-12-33-7
का नु तासां वरस्त्रीणामवस्थाद्य भविष्यति । विहीनानां स्वतनयैः पतिभिर्भ्रातृभिस्तथा ॥
kā nu tāsāṁ varastrīṇām avasthādya bhaviṣyati । vihīnānāṁ svatanayaiḥ patibhir bhrātr̥bhis tathā ॥
33.8MBH-12-33-8
अस्मानन्तकरान्घोरान्पाण्डवान्वृष्णिसंहितान् । आक्रोशन्त्यः कृशा दीना निपतन्त्यश्च भूतले ॥
asmān antakarān ghorān pāṇḍavān vr̥ṣṇisaṁhitān । ākrośantyaḥ kr̥śā dīnā nipatantyaś ca bhūtale ॥
33.9MBH-12-33-9
अपश्यन्त्यः पितॄन्भ्रातॄन्पतीन्पुत्रांश्च योषितः । त्यक्त्वा प्राणान्प्रियान्सर्वा गमिष्यन्ति यमक्षयम् ॥
apaśyantyaḥ pitr̥̄n bhrātr̥̄n patīn putrāṁś ca yoṣitaḥ । tyaktvā prāṇān priyān sarvā gamiṣyanti yamakṣayam ॥
33.10MBH-12-33-10
वत्सलत्वाद्द्विजश्रेष्ठ तत्र मे नास्ति संशयः । व्यक्तं सौक्ष्म्याच्च धर्मस्य प्राप्स्यामः स्त्रीवधं वयम् ॥
vatsalatvād dvijaśreṣṭha tatra me nāsti saṁśayaḥ । vyaktaṁ saukṣmyāc ca dharmasya prāpsyāmaḥ strīvadhaṁ vayam ॥
33.11MBH-12-33-11
ते वयं सुहृदो हत्वा कृत्वा पापमनन्तकम् । नरके निपतिष्यामो ह्यधःशिरस एव च ॥
te vayaṁ suhr̥do hatvā kr̥tvā pāpam anantakam । narake nipatiṣyāmo hy adhaḥśirasa eva ca ॥
33.12MBH-12-33-12
शरीराणि विमोक्ष्यामस्तपसोग्रेण सत्तम । आश्रमांश्च विशेषांस्त्वं ममाचक्ष्व पितामह ॥
śarīrāṇi vimokṣyāmas tapasogreṇa sattama । āśramāṁś ca viśeṣāṁs tvaṁ mamācakṣva pitāmaha ॥