190.1MBH-12-190-1
युधिष्ठिर उवाच । गतीनामुत्तमा प्राप्तिः कथिता जापकेष्विह । एकैवैषा गतिस्तेषामुत यान्त्यपरामपि ॥
yudhiṣṭhira uvāca । gatīnām uttamā prāptiḥ kathitā jāpakeṣv iha । ekaivaiṣā gatis teṣām uta yānty aparām api ॥
Śānti Parva · Adhyaya 12.190
Adhyāya 190
अध्यायः 190
Who speaks here युधिष्ठिर yudhiṣṭhira · भीष्म bhīṣma
English for this adhyāya (section level, not verse by verse): Ganguli’s translation, approximately §198–200 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
190.2MBH-12-190-2
भीष्म उवाच । शृणुष्वावहितो राजञ्जापकानां गतिं विभो । यथा गच्छन्ति निरयमनेकं पुरुषर्षभ ॥
bhīṣma uvāca । śr̥ṇuṣvāvahito rājañ jāpakānāṁ gatiṁ vibho । yathā gacchanti nirayam anekaṁ puruṣarṣabha ॥
190.3MBH-12-190-3
यथोक्तमेतत्पूर्वं यो नानुतिष्ठति जापकः । एकदेशक्रियश्चात्र निरयं स निगच्छति ॥
yathoktam etat pūrvaṁ yo nānutiṣṭhati jāpakaḥ । ekadeśakriyaś cātra nirayaṁ sa nigacchati ॥
190.4MBH-12-190-4
अवज्ञानेन कुरुते न तुष्यति न शोचति । ईदृशो जापको याति निरयं नात्र संशयः ॥
avajñānena kurute na tuṣyati na śocati । īdr̥śo jāpako yāti nirayaṁ nātra saṁśayaḥ ॥
190.5MBH-12-190-5
अहंकारकृतश्चैव सर्वे निरयगामिनः । परावमानी पुरुषो भविता निरयोपगः ॥
ahaṁkārakr̥taś caiva sarve nirayagāminaḥ । parāvamānī puruṣo bhavitā nirayopagaḥ ॥
190.6MBH-12-190-6
अभिध्यापूर्वकं जप्यं कुरुते यश्च मोहितः । यत्राभिध्यां स कुरुते तं वै निरयमृच्छति ॥
abhidhyāpūrvakaṁ japyaṁ kurute yaś ca mohitaḥ । yatrābhidhyāṁ sa kurute taṁ vai nirayam r̥cchati ॥
190.7MBH-12-190-7
अथैश्वर्यप्रवृत्तः सञ्जापकस्तत्र रज्यते । स एव निरयस्तस्य नासौ तस्मात्प्रमुच्यते ॥
athaiśvaryapravr̥ttaḥ sañ jāpakas tatra rajyate । sa eva nirayas tasya nāsau tasmāt pramucyate ॥
190.8MBH-12-190-8
रागेण जापको जप्यं कुरुते तत्र मोहितः । यत्रास्य रागः पतति तत्र तत्रोपजायते ॥
rāgeṇa jāpako japyaṁ kurute tatra mohitaḥ । yatrāsya rāgaḥ patati tatra tatropajāyate ॥
190.9MBH-12-190-9
दुर्बुद्धिरकृतप्रज्ञश्चले मनसि तिष्ठति । चलामेव गतिं याति निरयं वाधिगच्छति ॥
durbuddhir akr̥taprajñaś cale manasi tiṣṭhati । calām eva gatiṁ yāti nirayaṁ vādhigacchati ॥
190.10MBH-12-190-10
अकृतप्रज्ञको बालो मोहं गच्छति जापकः । स मोहान्निरयं याति तत्र गत्वानुशोचति ॥
akr̥taprajñako bālo mohaṁ gacchati jāpakaḥ । sa mohān nirayaṁ yāti tatra gatvānuśocati ॥
190.11MBH-12-190-11
दृढग्राही करोमीति जप्यं जपति जापकः । न संपूर्णो न वा युक्तो निरयं सोऽधिगच्छति ॥
dr̥ḍhagrāhī karomīti japyaṁ japati jāpakaḥ । na saṁpūrṇo na vā yukto nirayaṁ so ’dhigacchati ॥
190.12MBH-12-190-12
युधिष्ठिर उवाच । अनिमित्तं परं यत्तदव्यक्तं ब्रह्मणि स्थितम् । सद्भूतो जापकः कस्मात्स शरीरमथाविशेत् ॥
yudhiṣṭhira uvāca । animittaṁ paraṁ yat tad avyaktaṁ brahmaṇi sthitam । sadbhūto jāpakaḥ kasmāt sa śarīram athāviśet ॥
190.13MBH-12-190-13
भीष्म उवाच । दुष्प्रज्ञानेन निरया बहवः समुदाहृताः । प्रशस्तं जापकत्वं च दोषाश्चैते तदात्मकाः ॥
bhīṣma uvāca । duṣprajñānena nirayā bahavaḥ samudāhr̥tāḥ । praśastaṁ jāpakatvaṁ ca doṣāś caite tadātmakāḥ ॥