41.1MBH-8-41-1
संजय उवाच । त्वरमाणः पुनः कृष्णः पार्थमभ्यवदच्छनैः । पश्य कौरव्य राजानमपयातांश्च पाण्डवान् ॥
saṁjaya uvāca । tvaramāṇaḥ punaḥ kr̥ṣṇaḥ pārtham abhyavadac chanaiḥ । paśya kauravya rājānam apayātāṁś ca pāṇḍavān ॥
Karṇa Parva · Adhyaya 8.41
Adhyāya 41
अध्यायः 41
Who speaks here संजय saṃjaya
English for this adhyāya (section level, not verse by verse): Ganguli’s translation, approximately §55–57 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
41.2MBH-8-41-2
कर्णं पश्य महारङ्गे ज्वलन्तमिव पावकम् । असौ भीमो महेष्वासः संनिवृत्तो रणं प्रति ॥
karṇaṁ paśya mahāraṅge jvalantam iva pāvakam । asau bhīmo maheṣvāsaḥ saṁnivr̥tto raṇaṁ prati ॥
41.3MBH-8-41-3
तमेतेऽनु निवर्तन्ते धृष्टद्युम्नपुरोगमाः । पाञ्चालानां सृञ्जयानां पाण्डवानां च यन्मुखम् । निवृत्तैश्च तथा पार्थैर्भग्नं शत्रुबलं महत् ॥
tam ete ’nu nivartante dhr̥ṣṭadyumnapurogamāḥ । pāñcālānāṁ sr̥ñjayānāṁ pāṇḍavānāṁ ca yan mukham । nivr̥ttaiś ca tathā pārthair bhagnaṁ śatrubalaṁ mahat ॥
41.4MBH-8-41-4
कौरवान्द्रवतो ह्येष कर्णो धारयतेऽर्जुन । अन्तकप्रतिमो वेगे शक्रतुल्यपराक्रमः ॥
kauravān dravato hy eṣa karṇo dhārayate ’rjuna । antakapratimo vege śakratulyaparākramaḥ ॥
41.5MBH-8-41-5
असौ गच्छति कौरव्य द्रौणिरस्त्रभृतां वरः । तमेष प्रद्रुतः संख्ये धृष्टद्युम्नो महारथः ॥
asau gacchati kauravya drauṇir astrabhr̥tāṁ varaḥ । tam eṣa pradrutaḥ saṁkhye dhr̥ṣṭadyumno mahārathaḥ ॥
41.6MBH-8-41-6
सर्वं व्याचष्ट दुर्धर्षो वासुदेवः किरीटिने । ततो राजन्प्रादुरासीन्महाघोरो महारणः ॥
sarvaṁ vyācaṣṭa durdharṣo vāsudevaḥ kirīṭine । tato rājan prādurāsīn mahāghoro mahāraṇaḥ ॥
41.7MBH-8-41-7
सिंहनादरवाश्चात्र प्रादुरासन्समागमे । उभयोः सेनयो राजन्मृत्युं कृत्वा निवर्तनम् ॥
siṁhanādaravāś cātra prādurāsan samāgame । ubhayoḥ senayo rājan mr̥tyuṁ kr̥tvā nivartanam ॥