71.1MBH-13-71-1
युधिष्ठिर उवाच । उक्तं वै गोप्रदानं ते नाचिकेतमृषिं प्रति । माहात्म्यमपि चैवोक्तमुद्देशेन गवां प्रभो ॥
yudhiṣṭhira uvāca । uktaṁ vai gopradānaṁ te nāciketam r̥ṣiṁ prati । māhātmyam api caivoktam uddeśena gavāṁ prabho ॥
Anuśāsana Parva · Adhyaya 13.71
Adhyāya 71
अध्यायः 71
Who speaks here युधिष्ठिर yudhiṣṭhira · भीष्म bhīṣma · शक्र śakra
English for this adhyāya (section level, not verse by verse): Ganguli’s translation, approximately §71–73 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
71.2MBH-13-71-2
नृगेण च यथा दुःखमनुभूतं महात्मना । एकापराधादज्ञानात्पितामह महामते ॥
nr̥geṇa ca yathā duḥkham anubhūtaṁ mahātmanā । ekāparādhād ajñānāt pitāmaha mahāmate ॥
71.3MBH-13-71-3
द्वारवत्यां यथा चासौ निविशन्त्यां समुद्धृतः । मोक्षहेतुरभूत्कृष्णस्तदप्यवधृतं मया ॥
dvāravatyāṁ yathā cāsau niviśantyāṁ samuddhr̥taḥ । mokṣahetur abhūt kr̥ṣṇas tad apy avadhr̥taṁ mayā ॥
71.4MBH-13-71-4
किं त्वस्ति मम संदेहो गवां लोकं प्रति प्रभो । तत्त्वतः श्रोतुमिच्छामि गोदा यत्र विशन्त्युत ॥
kiṁ tv asti mama saṁdeho gavāṁ lokaṁ prati prabho । tattvataḥ śrotum icchāmi godā yatra viśanty uta ॥
71.5MBH-13-71-5
भीष्म उवाच । अत्राप्युदाहरन्तीममितिहासं पुरातनम् । यथापृच्छत्पद्मयोनिमेतदेव शतक्रतुः ॥
bhīṣma uvāca । atrāpy udāharantīmam itihāsaṁ purātanam । yathāpr̥cchat padmayonim etad eva śatakratuḥ ॥
71.6MBH-13-71-6
शक्र उवाच । स्वर्लोकवासिनां लक्ष्मीमभिभूय स्वया त्विषा । गोलोकवासिनः पश्ये व्रजतः संशयोऽत्र मे ॥
śakra uvāca । svarlokavāsināṁ lakṣmīm abhibhūya svayā tviṣā । golokavāsinaḥ paśye vrajataḥ saṁśayo ’tra me ॥
71.7MBH-13-71-7
कीदृशा भगवँल्लोका गवां तद्ब्रूहि मेऽनघ । यानावसन्ति दातार एतदिच्छामि वेदितुम् ॥
kīdr̥śā bhagavam̐l lokā gavāṁ tad brūhi me ’nagha । yān āvasanti dātāra etad icchāmi veditum ॥
71.8MBH-13-71-8
कीदृशाः किंफलाः कः स्वित्परमस्तत्र वै गुणः । कथं च पुरुषास्तत्र गच्छन्ति विगतज्वराः ॥
kīdr̥śāḥ kiṁphalāḥ kaḥ svit paramas tatra vai guṇaḥ । kathaṁ ca puruṣās tatra gacchanti vigatajvarāḥ ॥
71.9MBH-13-71-9
कियत्कालं प्रदानस्य दाता च फलमश्नुते । कथं बहुविधं दानं स्यादल्पमपि वा कथम् ॥
kiyat kālaṁ pradānasya dātā ca phalam aśnute । kathaṁ bahuvidhaṁ dānaṁ syād alpam api vā katham ॥
71.10MBH-13-71-10
बह्वीनां कीदृशं दानमल्पानां वापि कीदृशम् । अदत्त्वा गोप्रदाः सन्ति केन वा तच्च शंस मे ॥
bahvīnāṁ kīdr̥śaṁ dānam alpānāṁ vāpi kīdr̥śam । adattvā gopradāḥ santi kena vā tac ca śaṁsa me ॥
71.11MBH-13-71-11
कथं च बहुदाता स्यादल्पदात्रा समः प्रभो । अल्पप्रदाता बहुदः कथं च स्यादिहेश्वर ॥
kathaṁ ca bahudātā syād alpadātrā samaḥ prabho । alpapradātā bahudaḥ kathaṁ ca syād iheśvara ॥
71.12MBH-13-71-12
कीदृशी दक्षिणा चैव गोप्रदाने विशिष्यते । एतत्तथ्येन भगवन्मम शंसितुमर्हसि ॥
kīdr̥śī dakṣiṇā caiva gopradāne viśiṣyate । etat tathyena bhagavan mama śaṁsitum arhasi ॥