Who speaks here युधिष्ठिर yudhiṣṭhira
English for this adhyāya (section level, not verse by verse): Ganguli’s translation, approximately §37–39 Ganguli follows a different edition, so the match is approximate.
युधिष्ठिर उवाच । इमे वै मानवा लोके स्त्रीषु सज्जन्त्यभीक्ष्णशः । मोहेन परमाविष्टा दैवादिष्टेन पार्थिव । स्त्रियश्च पुरुषेष्वेव प्रत्यक्षं लोकसाक्षिकम् ॥
yudhiṣṭhira uvāca । ime vai mānavā loke strīṣu sajjanty abhīkṣṇaśaḥ । mohena param āviṣṭā daivādiṣṭena pārthiva । striyaś ca puruṣeṣv eva pratyakṣaṁ lokasākṣikam ॥
अत्र मे संशयस्तीव्रो हृदि संपरिवर्तते । कथमासां नराः सङ्गं कुर्वते कुरुनन्दन । स्त्रियो वा तेषु रज्यन्ते विरज्यन्तेऽथ वा पुनः ॥
atra me saṁśayas tīvro hr̥di saṁparivartate । katham āsāṁ narāḥ saṅgaṁ kurvate kurunandana । striyo vā teṣu rajyante virajyante ’tha vā punaḥ ॥
इति ताः पुरुषव्याघ्र कथं शक्याः स्म रक्षितुम् । प्रमदाः पुरुषेणेह तन्मे व्याख्यातुमर्हसि ॥
iti tāḥ puruṣavyāghra kathaṁ śakyāḥ sma rakṣitum । pramadāḥ puruṣeṇeha tan me vyākhyātum arhasi ॥
एता हि मयमायाभिर्वञ्चयन्तीह मानवान् । न चासां मुच्यते कश्चित्पुरुषो हस्तमागतः । गावो नवतृणानीव गृह्णन्त्येव नवान्नवान् ॥
etā hi mayamāyābhir vañcayantīha mānavān । na cāsāṁ mucyate kaś cit puruṣo hastam āgataḥ । gāvo navatr̥ṇānīva gr̥hṇanty eva navān navān ॥
शम्बरस्य च या माया या माया नमुचेरपि । बलेः कुम्भीनसेश्चैव सर्वास्ता योषितो विदुः ॥
śambarasya ca yā māyā yā māyā namucer api । baleḥ kumbhīnaseś caiva sarvās tā yoṣito viduḥ ॥
हसन्तं प्रहसन्त्येता रुदन्तं प्ररुदन्ति च । अप्रियं प्रियवाक्यैश्च गृह्णते कालयोगतः ॥
hasantaṁ prahasanty etā rudantaṁ prarudanti ca । apriyaṁ priyavākyaiś ca gr̥hṇate kālayogataḥ ॥
उशना वेद यच्छास्त्रं यच्च वेद बृहस्पतिः । स्त्रीबुद्ध्या न विशिष्येते ताः स्म रक्ष्याः कथं नरैः ॥
uśanā veda yac chāstraṁ yac ca veda br̥haspatiḥ । strībuddhyā na viśiṣyete tāḥ sma rakṣyāḥ kathaṁ naraiḥ ॥
अनृतं सत्यमित्याहुः सत्यं चापि तथानृतम् । इति यास्ताः कथं वीर संरक्ष्याः पुरुषैरिह ॥
anr̥taṁ satyam ity āhuḥ satyaṁ cāpi tathānr̥tam । iti yās tāḥ kathaṁ vīra saṁrakṣyāḥ puruṣair iha ॥
स्त्रीणां बुद्ध्युपनिष्कर्षादर्थशास्त्राणि शत्रुहन् । बृहस्पतिप्रभृतिभिर्मन्ये सद्भिः कृतानि वै ॥
strīṇāṁ buddhyupaniṣkarṣād arthaśāstrāṇi śatruhan । br̥haspatiprabhr̥tibhir manye sadbhiḥ kr̥tāni vai ॥
संपूज्यमानाः पुरुषैर्विकुर्वन्ति मनो नृषु । अपास्ताश्च तथा राजन्विकुर्वन्ति मनः स्त्रियः ॥
saṁpūjyamānāḥ puruṣair vikurvanti mano nr̥ṣu । apāstāś ca tathā rājan vikurvanti manaḥ striyaḥ ॥
कस्ताः शक्तो रक्षितुं स्यादिति मे संशयो महान् । तन्मे ब्रूहि महाबाहो कुरूणां वंशवर्धन ॥
kas tāḥ śakto rakṣituṁ syād iti me saṁśayo mahān । tan me brūhi mahābāho kurūṇāṁ vaṁśavardhana ॥
यदि शक्या कुरुश्रेष्ठ रक्षा तासां कथंचन । कर्तुं वा कृतपूर्वा वा तन्मे व्याख्यातुमर्हसि ॥
yadi śakyā kuruśreṣṭha rakṣā tāsāṁ kathaṁ cana । kartuṁ vā kr̥tapūrvā vā tan me vyākhyātum arhasi ॥