25.1MBH-13-25-1
युधिष्ठिर उवाच । इदं मे तत्त्वतो राजन्वक्तुमर्हसि भारत । अहिंसयित्वा केनेह ब्रह्महत्या विधीयते ॥
yudhiṣṭhira uvāca । idaṁ me tattvato rājan vaktum arhasi bhārata । ahiṁsayitvā keneha brahmahatyā vidhīyate ॥
Anuśāsana Parva · Adhyaya 13.25
Adhyāya 25
अध्यायः 25
Who speaks here युधिष्ठिर yudhiṣṭhira · भीष्म bhīṣma
English for this adhyāya (section level, not verse by verse): Ganguli’s translation, approximately §22–24 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
25.2MBH-13-25-2
भीष्म उवाच । व्यासमामन्त्र्य राजेन्द्र पुरा यत्पृष्टवानहम् । तत्तेऽहं संप्रवक्ष्यामि तदिहैकमनाः शृणु ॥
bhīṣma uvāca । vyāsam āmantrya rājendra purā yat pr̥ṣṭavān aham । tat te ’haṁ saṁpravakṣyāmi tad ihaikamanāḥ śr̥ṇu ॥
25.3MBH-13-25-3
चतुर्थस्त्वं वसिष्ठस्य तत्त्वमाख्याहि मे मुने । अहिंसयित्वा केनेह ब्रह्महत्या विधीयते ॥
caturthas tvaṁ vasiṣṭhasya tattvam ākhyāhi me mune । ahiṁsayitvā keneha brahmahatyā vidhīyate ॥
25.4MBH-13-25-4
इति पृष्टो महाराज पराशरशरीरजः । अब्रवीन्निपुणो धर्मे निःसंशयमनुत्तमम् ॥
iti pr̥ṣṭo mahārāja parāśaraśarīrajaḥ । abravīn nipuṇo dharme niḥsaṁśayam anuttamam ॥
25.5MBH-13-25-5
ब्राह्मणं स्वयमाहूय भिक्षार्थे कृशवृत्तिनम् । ब्रूयान्नास्तीति यः पश्चात्तं विद्याद्ब्रह्मघातिनम् ॥
brāhmaṇaṁ svayam āhūya bhikṣārthe kr̥śavr̥ttinam । brūyān nāstīti yaḥ paścāt taṁ vidyād brahmaghātinam ॥
25.6MBH-13-25-6
मध्यस्थस्येह विप्रस्य योऽनूचानस्य भारत । वृत्तिं हरति दुर्बुद्धिस्तं विद्याद्ब्रह्मघातिनम् ॥
madhyasthasyeha viprasya yo ’nūcānasya bhārata । vr̥ttiṁ harati durbuddhis taṁ vidyād brahmaghātinam ॥
25.7MBH-13-25-7
गोकुलस्य तृषार्तस्य जलार्थे वसुधाधिप । उत्पादयति यो विघ्नं तं विद्याद्ब्रह्मघातिनम् ॥
gokulasya tr̥ṣārtasya jalārthe vasudhādhipa । utpādayati yo vighnaṁ taṁ vidyād brahmaghātinam ॥
25.8MBH-13-25-8
यः प्रवृत्तां श्रुतिं सम्यक्शास्त्रं वा मुनिभिः कृतम् । दूषयत्यनभिज्ञाय तं विद्याद्ब्रह्मघातिनम् ॥
yaḥ pravr̥ttāṁ śrutiṁ samyak śāstraṁ vā munibhiḥ kr̥tam । dūṣayaty anabhijñāya taṁ vidyād brahmaghātinam ॥
25.9MBH-13-25-9
आत्मजां रूपसंपन्नां महतीं सदृशे वरे । न प्रयच्छति यः कन्यां तं विद्याद्ब्रह्मघातिनम् ॥
ātmajāṁ rūpasaṁpannāṁ mahatīṁ sadr̥śe vare । na prayacchati yaḥ kanyāṁ taṁ vidyād brahmaghātinam ॥
25.10MBH-13-25-10
अधर्मनिरतो मूढो मिथ्या यो वै द्विजातिषु । दद्यान्मर्मातिगं शोकं तं विद्याद्ब्रह्मघातिनम् ॥
adharmanirato mūḍho mithyā yo vai dvijātiṣu । dadyān marmātigaṁ śokaṁ taṁ vidyād brahmaghātinam ॥
25.11MBH-13-25-11
चक्षुषा विप्रहीनस्य पङ्गुलस्य जडस्य वा । हरेत यो वै सर्वस्वं तं विद्याद्ब्रह्मघातिनम् ॥
cakṣuṣā viprahīnasya paṅgulasya jaḍasya vā । hareta yo vai sarvasvaṁ taṁ vidyād brahmaghātinam ॥
25.12MBH-13-25-12
आश्रमे वा वने वा यो ग्रामे वा यदि वा पुरे । अग्निं समुत्सृजेन्मोहात्तं विद्याद्ब्रह्मघातिनम् ॥
āśrame vā vane vā yo grāme vā yadi vā pure । agniṁ samutsr̥jen mohāt taṁ vidyād brahmaghātinam ॥