13.1MBH-13-13-1
युधिष्ठिर उवाच । किं कर्तव्यं मनुष्येण लोकयात्राहितार्थिना । कथं वै लोकयात्रां तु किंशीलश्च समाचरेत् ॥
yudhiṣṭhira uvāca । kiṁ kartavyaṁ manuṣyeṇa lokayātrāhitārthinā । kathaṁ vai lokayātrāṁ tu kiṁśīlaś ca samācaret ॥
Anuśāsana Parva · Adhyaya 13.13
Adhyāya 13
अध्यायः 13
Who speaks here युधिष्ठिर yudhiṣṭhira · भीष्म bhīṣma
English for this adhyāya (section level, not verse by verse): Ganguli’s translation, approximately §12–14 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
13.2MBH-13-13-2
भीष्म उवाच । कायेन त्रिविधं कर्म वाचा चापि चतुर्विधम् । मनसा त्रिविधं चैव दश कर्मपथांस्त्यजेत् ॥
bhīṣma uvāca । kāyena trividhaṁ karma vācā cāpi caturvidham । manasā trividhaṁ caiva daśa karmapathāṁs tyajet ॥
13.3MBH-13-13-3
प्राणातिपातं स्तैन्यं च परदारमथापि च । त्रीणि पापानि कायेन सर्वतः परिवर्जयेत् ॥
prāṇātipātaṁ stainyaṁ ca paradāram athāpi ca । trīṇi pāpāni kāyena sarvataḥ parivarjayet ॥
13.4MBH-13-13-4
असत्प्रलापं पारुष्यं पैशुन्यमनृतं तथा । चत्वारि वाचा राजेन्द्र न जल्पेन्नानुचिन्तयेत् ॥
asatpralāpaṁ pāruṣyaṁ paiśunyam anr̥taṁ tathā । catvāri vācā rājendra na jalpen nānucintayet ॥
13.5MBH-13-13-5
अनभिध्या परस्वेषु सर्वसत्त्वेषु सौहृदम् । कर्मणां फलमस्तीति त्रिविधं मनसा चरेत् ॥
anabhidhyā parasveṣu sarvasattveṣu sauhr̥dam । karmaṇāṁ phalam astīti trividhaṁ manasā caret ॥
13.6MBH-13-13-6
तस्माद्वाक्कायमनसा नाचरेदशुभं नरः । शुभाशुभान्याचरन्हि तस्य तस्याश्नुते फलम् ॥
tasmād vākkāyamanasā nācared aśubhaṁ naraḥ । śubhāśubhāny ācaran hi tasya tasyāśnute phalam ॥