156.1MBH-1-156-1
वैशंपायन उवाच । एतच्छ्रुत्वा तु कौन्तेयाः शल्यविद्धा इवाभवन् । सर्वे चास्वस्थमनसो बभूवुस्ते महारथाः ॥
vaiśaṁpāyana uvāca । etac chrutvā tu kaunteyāḥ śalyaviddhā ivābhavan । sarve cāsvasthamanaso babhūvus te mahārathāḥ ॥
Ādi Parva · Adhyaya 1.156
Adhyāya 156
अध्यायः 156
Who speaks here वैशंपायन vaiśaṃpāyana · युधिष्ठिर yudhiṣṭhira
English for this adhyāya (section level, not verse by verse): Ganguli’s translation, approximately §169–171 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
156.2MBH-1-156-2
ततः कुन्ती सुतान्दृष्ट्वा विभ्रान्तान्गतचेतसः । युधिष्ठिरमुवाचेदं वचनं सत्यवादिनी ॥
tataḥ kuntī sutān dr̥ṣṭvā vibhrāntān gatacetasaḥ । yudhiṣṭhiram uvācedaṁ vacanaṁ satyavādinī ॥
156.3MBH-1-156-3
चिररात्रोषिताः स्मेह ब्राह्मणस्य निवेशने । रममाणाः पुरे रम्ये लब्धभैक्षा युधिष्ठिर ॥
cirarātroṣitāḥ smeha brāhmaṇasya niveśane । ramamāṇāḥ pure ramye labdhabhaikṣā yudhiṣṭhira ॥
156.4MBH-1-156-4
यानीह रमणीयानि वनान्युपवनानि च । सर्वाणि तानि दृष्टानि पुनः पुनररिंदम ॥
yānīha ramaṇīyāni vanāny upavanāni ca । sarvāṇi tāni dr̥ṣṭāni punaḥ punar ariṁdama ॥
156.5MBH-1-156-5
पुनर्दृष्टानि तान्येव प्रीणयन्ति न नस्तथा । भैक्षं च न तथा वीर लभ्यते कुरुनन्दन ॥
punar dr̥ṣṭāni tāny eva prīṇayanti na nas tathā । bhaikṣaṁ ca na tathā vīra labhyate kurunandana ॥
156.6MBH-1-156-6
ते वयं साधु पाञ्चालान्गच्छाम यदि मन्यसे । अपूर्वदर्शनं तात रमणीयं भविष्यति ॥
te vayaṁ sādhu pāñcālān gacchāma yadi manyase । apūrvadarśanaṁ tāta ramaṇīyaṁ bhaviṣyati ॥
156.7MBH-1-156-7
सुभिक्षाश्चैव पाञ्चालाः श्रूयन्ते शत्रुकर्शन । यज्ञसेनश्च राजासौ ब्रह्मण्य इति शुश्रुमः ॥
subhikṣāś caiva pāñcālāḥ śrūyante śatrukarśana । yajñasenaś ca rājāsau brahmaṇya iti śuśrumaḥ ॥
156.8MBH-1-156-8
एकत्र चिरवासो हि क्षमो न च मतो मम । ते तत्र साधु गच्छामो यदि त्वं पुत्र मन्यसे ॥
ekatra ciravāso hi kṣamo na ca mato mama । te tatra sādhu gacchāmo yadi tvaṁ putra manyase ॥
156.9MBH-1-156-9
युधिष्ठिर उवाच । भवत्या यन्मतं कार्यं तदस्माकं परं हितम् । अनुजांस्तु न जानामि गच्छेयुर्नेति वा पुनः ॥
yudhiṣṭhira uvāca । bhavatyā yan mataṁ kāryaṁ tad asmākaṁ paraṁ hitam । anujāṁs tu na jānāmi gaccheyur neti vā punaḥ ॥
156.10MBH-1-156-10
वैशंपायन उवाच । ततः कुन्ती भीमसेनमर्जुनं यमजौ तथा । उवाच गमनं ते च तथेत्येवाब्रुवंस्तदा ॥
vaiśaṁpāyana uvāca । tataḥ kuntī bhīmasenam arjunaṁ yamajau tathā । uvāca gamanaṁ te ca tathety evābruvaṁs tadā ॥
156.11MBH-1-156-11
तत आमन्त्र्य तं विप्रं कुन्ती राजन्सुतैः सह । प्रतस्थे नगरीं रम्यां द्रुपदस्य महात्मनः ॥
tata āmantrya taṁ vipraṁ kuntī rājan sutaiḥ saha । pratasthe nagarīṁ ramyāṁ drupadasya mahātmanaḥ ॥