Sarga 8

ततो नील अम्बुद निभः प्रहस्तो नाम राक्षसः । अब्रवीत् प्राञ्जलिर् वाक्यम् शूरः सेना पतिस्तदा ॥

tato nīla ambuda nibhaḥ prahasto nāma rākṣasaḥ | abravīt prāñjalir vākyam śūraḥ senā patistadā ||

देव दानव गन्धर्वाः पिशाचपतगौरगाः । न त्वाम् धर्षयितुम् शक्ताः किम् पुनर् वानरा रणे ॥

deva dānava gandharvāḥ piśācapatagauragāḥ | na tvām dharṣayitum śaktāḥ kim punar vānarā raṇe ||

सर्वे प्रमत्ता विश्वस्ता वन्चिताः स्म हनूमता । न हि मे जीवतो गच्चेज् जीवन् स वन गोचरः ॥

sarve pramattā viśvastā vancitāḥ sma hanūmatā | na hi me jīvato gaccej jīvan sa vana gocaraḥ ||

सर्वाम् सागर पर्यन्ताम् सशैल वन काननाम् । करोमि अवानराम् भूमिम् आज्ञापयतु माम् भवान् ॥

sarvām sāgara paryantām saśaila vana kānanām | karomi avānarām bhūmim ājñāpayatu mām bhavān ||

रक्षाम् चैव विधास्यामि वानराद् रजनी चर । न आगमिष्यति ते दुह्खम् किम्चिद् आत्म अपराधजम् ॥

rakṣām caiva vidhāsyāmi vānarād rajanī cara | na āgamiṣyati te duhkham kimcid ātma aparādhajam ||

अब्रवीत्तम् सुसम्क्रुद्धो दुर्मुखो नाम राक्षसः । इदम् न क्षमणीयम् हि सर्वेषाम् नः प्रधर्षणम् ॥

abravīttam susamkruddho durmukho nāma rākṣasaḥ | idam na kṣamaṇīyam hi sarveṣām naḥ pradharṣaṇam ||

अयम् परिभवो भूयः पुरस्य अन्तः पुरस्य च । श्रीमतो राक्षस इन्द्रस्य वानर इन्द्र प्रधर्षणम् ॥

ayam paribhavo bhūyaḥ purasya antaḥ purasya ca | śrīmato rākṣasa indrasya vānara indra pradharṣaṇam ||

अस्मिन् मुहूर्ते हत्वा एको निवर्तिष्यामि वानरान् । प्रविष्टान् सागरम् भीमम् अम्बरम् वा रसा तलम् ॥

asmin muhūrte hatvā eko nivartiṣyāmi vānarān | praviṣṭān sāgaram bhīmam ambaram vā rasā talam ||

ततो अब्रवीत् सुसम्क्रुद्धो वज्र दम्ष्ट्रो महाबलः । प्रगृह्य परिघम् घोरम् माम्स शोणित रूपितम् ॥

tato abravīt susamkruddho vajra damṣṭro mahābalaḥ | pragṛhya parigham ghoram māmsa śoṇita rūpitam ||

किम् नो हनुमता कार्यम् कृपणेन तपस्विना । रामे तिष्ठति दुर्धर्षे सुग्रीवे सह लक्ष्मणे ॥

kim no hanumatā kāryam kṛpaṇena tapasvinā | rāme tiṣṭhati durdharṣe sugrīve saha lakṣmaṇe ||

अद्य रामम् ससुग्रीवम् परिघेण सलक्ष्मणम् । आगमिष्यामि हत्वा एको विक्षोभ्य हरि वाहिनीम् ॥

adya rāmam sasugrīvam parigheṇa salakṣmaṇam | āgamiṣyāmi hatvā eko vikṣobhya hari vāhinīm ||

इदम् ममापरम् वाक्यम् शृणु राजन्यदीच्चसि । उपायकुशलो ह्येव जयेच्चत्रुनतन्द्रितः ॥

idam mamāparam vākyam śṛṇu rājanyadīccasi | upāyakuśalo hyeva jayeccatrunatandritaḥ ||

कामरूपधराः शूराः सुभीमा भीमदर्शनाः । राक्षसा वा सहस्राणि राक्षसाधिप निश्चिताः ॥

kāmarūpadharāḥ śūrāḥ subhīmā bhīmadarśanāḥ | rākṣasā vā sahasrāṇi rākṣasādhipa niścitāḥ ||

काकुत्थ्समुपसम्गम्य बिभ्रतो मानुषम् वपुः । सर्वे ह्यसम्भ्रमा भूत्वा ब्रुवन्तु रघुसत्तमम् ॥

kākutthsamupasamgamya bibhrato mānuṣam vapuḥ | sarve hyasambhramā bhūtvā bruvantu raghusattamam ||

प्रेषिता भरतेनैव भ्रात्रा तव यवीयसा । स हि सेनाम् समुत्थाप्य क्षिप्रमेवोपयास्यति ॥

preṣitā bharatenaiva bhrātrā tava yavīyasā | sa hi senām samutthāpya kṣipramevopayāsyati ||

ततो वयमितस्तुर्णम् शूलशक्तिगदाधराः । चापबाणासिहस्तश्च त्वरितास्तत्र यामहे ॥

tato vayamitasturṇam śūlaśaktigadādharāḥ | cāpabāṇāsihastaśca tvaritāstatra yāmahe ||

आकाशे गणशः स्थित्वा हत्वा ताम् हरिवाहिनीम् । अश्मशस्त्रमहावृष्ट्वा प्रापयाम् यमक्षयम् ॥

ākāśe gaṇaśaḥ sthitvā hatvā tām harivāhinīm | aśmaśastramahāvṛṣṭvā prāpayām yamakṣayam ||

एवम् चेदुपसर्पेतामनयम् रामलक्ष्मणौ । अवश्यमपनीतेन जहतामेव जीवितम् ॥

evam cedupasarpetāmanayam rāmalakṣmaṇau | avaśyamapanītena jahatāmeva jīvitam ||

कौम्भकर्णिस् ततो वीरो निकुम्भो नाम वीर्यवान् । अब्रवीत् परम कुर्द्धो रावणम् लोक रावणम् ॥

kaumbhakarṇis tato vīro nikumbho nāma vīryavān | abravīt parama kurddho rāvaṇam loka rāvaṇam ||

सर्वे भवन्तस् तिष्ठन्तु महाराजेन सम्गताः । अहम् एको हनिष्यामि राघवम् सह लक्ष्मणम् ॥

sarve bhavantas tiṣṭhantu mahārājena samgatāḥ | aham eko haniṣyāmi rāghavam saha lakṣmaṇam ||

सुग्रीवम् सहनूमन्तम् सर्वाम्श्चैवात्र वानरान् । ततो वज्रहनुर्नाम राक्षसः पर्वतोपमः ॥

sugrīvam sahanūmantam sarvāmścaivātra vānarān | tato vajrahanurnāma rākṣasaḥ parvatopamaḥ ||

क्रुद्धः परिलिहन् वक्त्रम् जिह्वया वाक्यम् अब्रवीत् । स्वैरम् कुर्वन्तु कार्याणि भवन्तो विगत ज्वराः ॥

kruddhaḥ parilihan vaktram jihvayā vākyam abravīt | svairam kurvantu kāryāṇi bhavanto vigata jvarāḥ ||

एको अहम् भक्षयिष्यामि तान् सर्वान् हरि यूथपान् । स्वस्थाः क्रीडन्तु निश्चिन्ताः पिबन्तु मधु वारुणीम् ॥

eko aham bhakṣayiṣyāmi tān sarvān hari yūthapān | svasthāḥ krīḍantu niścintāḥ pibantu madhu vāruṇīm ||

अहम् एको हनिष्यामि सुग्रीवम् सह लक्ष्मणम् । स अन्गदम् च हनूमन्तम् रामम् च रण कुन्जरम् ॥

aham eko haniṣyāmi sugrīvam saha lakṣmaṇam | sa angadam ca hanūmantam rāmam ca raṇa kunjaram ||