Sarga 68

जनकेन समादिष्टा दूताः ते क्लान्त वाहनाः । त्रि रात्रम् उषिता मार्गे ते अयोध्याम् प्राविशन् पुरीम् ॥

janakena samādiṣṭā dūtāḥ te klānta vāhanāḥ | tri rātram uṣitā mārge te ayodhyām prāviśan purīm ||

ते राज वचनात् गत्वा राजवेश्म प्रवेशिताः । ददृशुः देव संकाशम् वृद्धम् दशरथम् नृपम् ॥

te rāja vacanāt gatvā rājaveśma praveśitāḥ | dadṛśuḥ deva saṃkāśam vṛddham daśaratham nṛpam ||

बद्ध अंजलि पुटाः सर्वे दूता विगत साध्वसाः । राजानम् प्रश्रितम् वाक्यम् अब्रुवन् मधुर अक्षरम् ॥

baddha aṃjali puṭāḥ sarve dūtā vigata sādhvasāḥ | rājānam praśritam vākyam abruvan madhura akṣaram ||

मैथिलो जनको राजा स अग्नि होत्र पुरस्कृतः । मुहुर् मुहुर् मधुरया स्नेह संरक्तया गिरा ॥

maithilo janako rājā sa agni hotra puraskṛtaḥ | muhur muhur madhurayā sneha saṃraktayā girā ||

कुशलम् च अव्ययम् चैव स उपाध्याय पुरोहितम् । जनकः त्वाम् महाराज पृच्छते स पुरः सरम् ॥

kuśalam ca avyayam caiva sa upādhyāya purohitam | janakaḥ tvām mahārāja pṛcchate sa puraḥ saram ||

पृष्ट्वा कुशलम् अव्यग्रम् वैदेहो मिथिलाधिपः । कौशिक अनुमते वाक्यम् भवन्तम् इदम् अब्रवीत् ॥

pṛṣṭvā kuśalam avyagram vaideho mithilādhipaḥ | kauśika anumate vākyam bhavantam idam abravīt ||

पूर्वम् प्रतिज्ञा विदिता वीर्य शुल्का मम आत्मजा । राजानः च कृत अमर्षा निर्वीर्या विमुखी कृताः ॥

pūrvam pratijñā viditā vīrya śulkā mama ātmajā | rājānaḥ ca kṛta amarṣā nirvīryā vimukhī kṛtāḥ ||

सा इयम् मम सुता राजन् विश्वामित्र पुरस्कृतैः । यदृच्छया आगतैः वीरैः निर्जिता तव पुत्रकैः ॥

sā iyam mama sutā rājan viśvāmitra puraskṛtaiḥ | yadṛcchayā āgataiḥ vīraiḥ nirjitā tava putrakaiḥ ||

तत् च रत्नम् धनुर् दिव्यम् मध्ये भग्नम् महात्मना । रामेण हि महाबाहो महत्याम् जन संसदि ॥

tat ca ratnam dhanur divyam madhye bhagnam mahātmanā | rāmeṇa hi mahābāho mahatyām jana saṃsadi ||

अस्मै देया मया सीता वीर्य शुल्का महात्मने । प्रतिज्ञाम् तर्तुम् इच्छामि तत् अनुज्ञातुम् अर्हसि ॥

asmai deyā mayā sītā vīrya śulkā mahātmane | pratijñām tartum icchāmi tat anujñātum arhasi ||

स उपाध्यायो महाराज पुरोहित पुरस्कृतः । शीघ्रम् आगच्छ भद्रम् ते द्रष्टुम् अर्हसि राघवौ ॥

sa upādhyāyo mahārāja purohita puraskṛtaḥ | śīghram āgaccha bhadram te draṣṭum arhasi rāghavau ||

प्रतिज्ञाम् मम राजेन्द्र निर्वर्तयितुम् अर्हसि । पुत्रयोः उभयोः एव प्रीतिम् त्वम् अपि लप्स्यसे ॥

pratijñām mama rājendra nirvartayitum arhasi | putrayoḥ ubhayoḥ eva prītim tvam api lapsyase ||

एवम् विदेह अधिपतिः मधुरम् वाक्यम् अब्रवीत् । विश्वामित्र अभ्यनुज्ञातः शताअनन्द मते स्थितः ॥

evam videha adhipatiḥ madhuram vākyam abravīt | viśvāmitra abhyanujñātaḥ śatāananda mate sthitaḥ ||

दूत वाक्यम् तु तत् श्रुत्वा राजा परम हर्षितः । वसिष्ठम् वामदेवम् च मंत्रिणः च एवम् अब्रवीत् ॥

dūta vākyam tu tat śrutvā rājā parama harṣitaḥ | vasiṣṭham vāmadevam ca maṃtriṇaḥ ca evam abravīt ||

गुप्तः कुशिक पुत्रेण कौसल्य आनन्द वर्धनः । लक्ष्मणेन सह भ्रात्रा विदेहेषु वसति असौ ॥

guptaḥ kuśika putreṇa kausalya ānanda vardhanaḥ | lakṣmaṇena saha bhrātrā videheṣu vasati asau ||

दृष्ट वीर्यः तु काकुत्स्थो जनकेन महात्मना । संप्रदानम् सुतायाः तु राघवे कर्तुम् इच्छति ॥

dṛṣṭa vīryaḥ tu kākutstho janakena mahātmanā | saṃpradānam sutāyāḥ tu rāghave kartum icchati ||

यदि वो रोचते वृत्तम् जनकस्य महात्मनः । पुरीम् गच्छामहे शीघ्रम् मा भूत् कालस्य पर्ययः ॥

yadi vo rocate vṛttam janakasya mahātmanaḥ | purīm gacchāmahe śīghram mā bhūt kālasya paryayaḥ ||

मंत्रिणो बाढम् इति आहुः सह सर्वैः महर्षिभिः । सु प्रीतः च अब्रवीत् राजा श्वः यात्रा इति च मंत्रिणः ॥

maṃtriṇo bāḍham iti āhuḥ saha sarvaiḥ maharṣibhiḥ | su prītaḥ ca abravīt rājā śvaḥ yātrā iti ca maṃtriṇaḥ ||

मंत्रिणः तु नरेन्द्रस्य रात्रिम् परम सत्कृताः । ऊषुः प्रमुदिताः सर्वे गुणैः सर्वैः समन्विताः ॥

maṃtriṇaḥ tu narendrasya rātrim parama satkṛtāḥ | ūṣuḥ pramuditāḥ sarve guṇaiḥ sarvaiḥ samanvitāḥ ||