208.1MBH-3-208-1
मार्कण्डेय उवाच । ब्रह्मणो यस्तृतीयस्तु पुत्रः कुरुकुलोद्वह । तस्यापवसुता भार्या प्रजास्तस्यापि मे शृणु ॥
mārkaṇḍeya uvāca । brahmaṇo yas tr̥tīyas tu putraḥ kurukulodvaha । tasyāpavasutā bhāryā prajās tasyāpi me śr̥ṇu ॥
Vana Parva · Adhyaya 3.208
Adhyāya 208
अध्यायः 208
Who speaks here मार्कण्डेय mārkaṇḍeya
English for this adhyāya (section level, not verse by verse): Ganguli’s translation, approximately §216–218 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
208.2MBH-3-208-2
बृहज्ज्योतिर्बृहत्कीर्तिर्बृहद्ब्रह्मा बृहन्मनाः । बृहन्मन्त्रो बृहद्भासस्तथा राजन्बृहस्पतिः ॥
br̥hajjyotir br̥hatkīrtir br̥hadbrahmā br̥hanmanāḥ । br̥hanmantro br̥hadbhāsas tathā rājan br̥haspatiḥ ॥
208.3MBH-3-208-3
प्रजासु तासु सर्वासु रूपेणाप्रतिमाभवत् । देवी भानुमती नाम प्रथमाङ्गिरसः सुता ॥
prajāsu tāsu sarvāsu rūpeṇāpratimābhavat । devī bhānumatī nāma prathamāṅgirasaḥ sutā ॥
208.4MBH-3-208-4
भूतानामेव सर्वेषां यस्यां रागस्तदाभवत् । रागाद्रागेति यामाहुर्द्वितीयाङ्गिरसः सुता ॥
bhūtānām eva sarveṣāṁ yasyāṁ rāgas tadābhavat । rāgād rāgeti yām āhur dvitīyāṅgirasaḥ sutā ॥
208.5MBH-3-208-5
यां कपर्दिसुतामाहुर्दृश्यादृश्येति देहिनः । तनुत्वात्सा सिनीवाली तृतीयाङ्गिरसः सुता ॥
yāṁ kapardisutām āhur dr̥śyādr̥śyeti dehinaḥ । tanutvāt sā sinīvālī tr̥tīyāṅgirasaḥ sutā ॥
208.6MBH-3-208-6
पश्यत्यर्चिष्मती भाभिर्हविर्भिश्च हविष्मती । षष्ठीमङ्गिरसः कन्यां पुण्यामाहुर्हविष्मतीम् ॥
paśyaty arciṣmatī bhābhir havirbhiś ca haviṣmatī । ṣaṣṭhīm aṅgirasaḥ kanyāṁ puṇyām āhur haviṣmatīm ॥
208.7MBH-3-208-7
महामखेष्वाङ्गिरसी दीप्तिमत्सु महामती । महामतीति विख्याता सप्तमी कथ्यते सुता ॥
mahāmakheṣv āṅgirasī dīptimatsu mahāmatī । mahāmatīti vikhyātā saptamī kathyate sutā ॥
208.8MBH-3-208-8
यां तु दृष्ट्वा भगवतीं जनः कुहुकुहायते । एकानंशेति यामाहुः कुहूमङ्गिरसः सुताम् ॥
yāṁ tu dr̥ṣṭvā bhagavatīṁ janaḥ kuhukuhāyate । ekānaṁśeti yām āhuḥ kuhūm aṅgirasaḥ sutām ॥