41.1MBH-14-41-1
ब्रह्मोवाच । य उत्पन्नो महान्पूर्वमहंकारः स उच्यते । अहमित्येव संभूतो द्वितीयः सर्ग उच्यते ॥
brahmovāca । ya utpanno mahān pūrvam ahaṁkāraḥ sa ucyate । aham ity eva saṁbhūto dvitīyaḥ sarga ucyate ॥
Aśvamedhika Parva · Adhyaya 14.41
Adhyāya 41
अध्यायः 41
English for this adhyāya (section level, not verse by verse): Ganguli’s translation, approximately §41–43 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
41.2MBH-14-41-2
अहंकारश्च भूतादिर्वैकारिक इति स्मृतः । तेजसश्चेतना धातुः प्रजासर्गः प्रजापतिः ॥
ahaṁkāraś ca bhūtādir vaikārika iti smr̥taḥ । tejasaś cetanā dhātuḥ prajāsargaḥ prajāpatiḥ ॥
41.3MBH-14-41-3
देवानां प्रभवो देवो मनसश्च त्रिलोककृत् । अहमित्येव तत्सर्वमभिमन्ता स उच्यते ॥
devānāṁ prabhavo devo manasaś ca trilokakr̥t । aham ity eva tat sarvam abhimantā sa ucyate ॥
41.4MBH-14-41-4
अध्यात्मज्ञाननित्यानां मुनीनां भावितात्मनाम् । स्वाध्यायक्रतुसिद्धानामेष लोकः सनातनः ॥
adhyātmajñānanityānāṁ munīnāṁ bhāvitātmanām । svādhyāyakratusiddhānām eṣa lokaḥ sanātanaḥ ॥
41.5MBH-14-41-5
अहंकारेणाहरतो गुणानिमा;न्भूतादिरेवं सृजते स भूतकृत् । वैकारिकः सर्वमिदं विचेष्टते; स्वतेजसा रञ्जयते जगत्तथा ॥
ahaṁkāreṇāharato guṇān imān; bhūtādir evaṁ sr̥jate sa bhūtakr̥t । vaikārikaḥ sarvam idaṁ viceṣṭate; svatejasā rañjayate jagat tathā ॥