108.1MBH-1-108-1
जनमेजय उवाच । ज्येष्ठानुज्येष्ठतां तेषां नामधेयानि चाभिभो । धृतराष्ट्रस्य पुत्राणामानुपूर्व्येण कीर्तय ॥
janamejaya uvāca । jyeṣṭhānujyeṣṭhatāṁ teṣāṁ nāmadheyāni cābhibho । dhr̥tarāṣṭrasya putrāṇām ānupūrvyeṇa kīrtaya ॥
Ādi Parva · Adhyaya 1.108
Adhyāya 108
अध्यायः 108
Who speaks here जनमेजय janamejaya · वैशंपायन vaiśaṃpāyana
English for this adhyāya (section level, not verse by verse): Ganguli’s translation, approximately §116–118 Ganguli follows a different edition, so the match is approximate.
In this chapterSanskrit allTransliteration allHindi unavailableEnglish unavailableUnavailable translations are marked, never invented.
108.2MBH-1-108-2
वैशंपायन उवाच । दुर्योधनो युयुत्सुश्च राजन्दुःशासनस्तथा । दुःसहो दुःशलश्चैव जलसंधः समः सहः ॥
vaiśaṁpāyana uvāca । duryodhano yuyutsuś ca rājan duḥśāsanas tathā । duḥsaho duḥśalaś caiva jalasaṁdhaḥ samaḥ sahaḥ ॥
108.3MBH-1-108-3
विन्दानुविन्दौ दुर्धर्षः सुबाहुर्दुष्प्रधर्षणः । दुर्मर्षणो दुर्मुखश्च दुष्कर्णः कर्ण एव च ॥
vindānuvindau durdharṣaḥ subāhur duṣpradharṣaṇaḥ । durmarṣaṇo durmukhaś ca duṣkarṇaḥ karṇa eva ca ॥
108.4MBH-1-108-4
विविंशतिर्विकर्णश्च जलसंधः सुलोचनः । चित्रोपचित्रौ चित्राक्षश्चारुचित्रः शरासनः ॥
viviṁśatir vikarṇaś ca jalasaṁdhaḥ sulocanaḥ । citropacitrau citrākṣaś cārucitraḥ śarāsanaḥ ॥
108.5MBH-1-108-5
दुर्मदो दुष्प्रगाहश्च विवित्सुर्विकटः समः । ऊर्णनाभः सुनाभश्च तथा नन्दोपनन्दकौ ॥
durmado duṣpragāhaś ca vivitsur vikaṭaḥ samaḥ । ūrṇanābhaḥ sunābhaś ca tathā nandopanandakau ॥
108.6MBH-1-108-6
सेनापतिः सुषेणश्च कुण्डोदरमहोदरौ । चित्रबाणश्चित्रवर्मा सुवर्मा दुर्विमोचनः ॥
senāpatiḥ suṣeṇaś ca kuṇḍodaramahodarau । citrabāṇaś citravarmā suvarmā durvimocanaḥ ॥
108.7MBH-1-108-7
अयोबाहुर्महाबाहुश्चित्राङ्गश्चित्रकुण्डलः । भीमवेगो भीमबलो बलाकी बलवर्धनः ॥
ayobāhur mahābāhuś citrāṅgaś citrakuṇḍalaḥ । bhīmavego bhīmabalo balākī balavardhanaḥ ॥
108.8MBH-1-108-8
उग्रायुधो भीमकर्मा कनकायुर्दृढायुधः । दृढवर्मा दृढक्षत्रः सोमकीर्तिरनूदरः ॥
ugrāyudho bhīmakarmā kanakāyur dr̥ḍhāyudhaḥ । dr̥ḍhavarmā dr̥ḍhakṣatraḥ somakīrtir anūdaraḥ ॥
108.9MBH-1-108-9
दृढसंधो जरासंधः सत्यसंधः सदःसुवाक् । उग्रश्रवा अश्वसेनः सेनानीर्दुष्पराजयः ॥
dr̥ḍhasaṁdho jarāsaṁdhaḥ satyasaṁdhaḥ sadaḥsuvāk । ugraśravā aśvasenaḥ senānīr duṣparājayaḥ ॥
108.10MBH-1-108-10
अपराजितः पण्डितको विशालाक्षो दुरावरः । दृढहस्तः सुहस्तश्च वातवेगसुवर्चसौ ॥
aparājitaḥ paṇḍitako viśālākṣo durāvaraḥ । dr̥ḍhahastaḥ suhastaś ca vātavegasuvarcasau ॥
108.11MBH-1-108-11
आदित्यकेतुर्बह्वाशी नागदन्तोग्रयायिनौ । कवची निषङ्गी पाशी च दण्डधारो धनुर्ग्रहः ॥
ādityaketur bahvāśī nāgadantograyāyinau । kavacī niṣaṅgī pāśī ca daṇḍadhāro dhanurgrahaḥ ॥
108.12MBH-1-108-12
उग्रो भीमरथो वीरो वीरबाहुरलोलुपः । अभयो रौद्रकर्मा च तथा दृढरथस्त्रयः ॥
ugro bhīmaratho vīro vīrabāhur alolupaḥ । abhayo raudrakarmā ca tathā dr̥ḍharathas trayaḥ ॥
108.13MBH-1-108-13
अनाधृष्यः कुण्डभेदी विरावी दीर्घलोचनः । दीर्घबाहुर्महाबाहुर्व्यूढोरुः कनकध्वजः ॥
anādhr̥ṣyaḥ kuṇḍabhedī virāvī dīrghalocanaḥ । dīrghabāhur mahābāhur vyūḍhoruḥ kanakadhvajaḥ ॥
108.14MBH-1-108-14
कुण्डाशी विरजाश्चैव दुःशला च शताधिका । एतदेकशतं राजन्कन्या चैका प्रकीर्तिता ॥
kuṇḍāśī virajāś caiva duḥśalā ca śatādhikā । etad ekaśataṁ rājan kanyā caikā prakīrtitā ॥
108.15MBH-1-108-15
नामधेयानुपूर्व्येण विद्धि जन्मक्रमं नृप । सर्वे त्वतिरथाः शूराः सर्वे युद्धविशारदाः ॥
nāmadheyānupūrvyeṇa viddhi janmakramaṁ nr̥pa । sarve tv atirathāḥ śūrāḥ sarve yuddhaviśāradāḥ ॥
108.16MBH-1-108-16
सर्वे वेदविदश्चैव राजशास्त्रेषु कोविदाः । सर्वे संसर्गविद्यासु विद्याभिजनशोभिनः ॥
sarve vedavidaś caiva rājaśāstreṣu kovidāḥ । sarve saṁsargavidyāsu vidyābhijanaśobhinaḥ ॥
108.17MBH-1-108-17
सर्वेषामनुरूपाश्च कृता दारा महीपते । धृतराष्ट्रेण समये समीक्ष्य विधिवत्तदा ॥
sarveṣām anurūpāś ca kr̥tā dārā mahīpate । dhr̥tarāṣṭreṇa samaye samīkṣya vidhivat tadā ॥
108.18MBH-1-108-18
दुःशलां समये राजा सिन्धुराजाय भारत । जयद्रथाय प्रददौ सौबलानुमते तदा ॥
duḥśalāṁ samaye rājā sindhurājāya bhārata । jayadrathāya pradadau saubalānumate tadā ॥